ஐ. நா. வின் சர்வதேச மகிழ்ச்சி தினத்தைக் குறிக்கும் வகையில் வெளியிடப்பட்ட 13 வது வருடாந்திர உலக மகிழ்ச்சி அறிக்கை, மக்கள் வாழ்க்கையை மதிப்பீடு செய்வதன் மூலம் உலகின் மகிழ்ச்சியான நாடுகளை தரவரிசைப்படுத்துகிறது.
பொதுவில் மக்கள் நினைப்பதைவிட அந்நியர்கள் இரு மடங்கு கனிவானவர்கள் என்று உலகெங்கிலும் உள்ள மகிழ்ச்சியைப் பார்க்கும் இவ் ஆய்வு தெரிவிக்கிறது.
இந்த அறிக்கை தொடர்ந்து எட்டாவது ஆண்டாக உலகின் மகிழ்ச்சியான நாடாக பின்லாந்தை முதலில் தரவரிசைப்படுத்தியது, அமெரிக்கா மற்றும் இங்கிலாந்து பட்டியலில் பின்தங்கின.
பின்லாந்து மீண்டும் முதல் பத்து நாடுகளுக்குள்ளும் சராசரியாக 7.736 மதிப்பெண்களுடன் முதலிடத்தைப் பிடித்தது, கோஸ்டாரிகா மற்றும் மெக்ஸிகோ முதல் முறையாக முதல் 10 இடங்களுக்குள் நுழைந்துள்ளன. இங்கிலாந்து மற்றும் அமெரிக்கா இரண்டும் இந்த பட்டியலில் முறையே 23 மற்றும் 24 வது இடங்களுக்கு பின் தங்கியது.
இந்த ஆண்டின் உலக மகிழ்ச்சி அறிக்கையானது, அந்நியர்கள் மீதான நம்பிக்கையை வேண்டுமென்றே பணப்பைகளை இழப்பதன் மூலமும், எத்தனை பேர் இழக்கப்பட்ட பணப் பைகளைத் திருப்பி அனுப்பினார்கள் என்பதைப் பார்ப்பதன் மூலமும், எத்தனை பேர் ஒப்படைக்க வேண்டும் என்று நினைத்தார்களோ அதை ஒப்பிட்டுப் பார்ப்பதன் மூலமும் அளவிடப்பட்டது.
திரும்பி வந்த பணப்பைகளின் விகிதம் மக்கள் கணித்ததை விட கிட்டத்தட்ட இரண்டு மடங்கு அதிகமாக இருந்தது, மேலும் உலகெங்கிலும் இருந்து ஆதாரங்களை சேகரித்த இவ் ஆய்வில், மற்றவர்களின் கருணை மீதான நம்பிக்கை முன்பு நினைத்ததை விட, மகிழ்ச்சியுடனும் மிகவும் நெருக்கமாகவும் பிணைக்கப்பட்டுள்ளதாக தெரிவிக்கப்பட்டுள்ளது.
பிரிட்டிஷ் கொலம்பியா பல்கலைக்கழகத்தின் பொருளாதார வல்லுநரும், அறிக்கையின் நிறுவன ஆசிரியருமான ஜான் எப் ஹெல்லிவெல், பணப்பை பரிசோதனையின் தரவு “மக்கள் ஒருவருக்கொருவர் அக்கறை காட்டுகிறார்கள் என்று நினைக்கும் இடத்தில் மக்கள் மிகவும் மகிழ்ச்சியாக வாழ்கிறார்கள்” என்பதைக் காட்டுகிறது என்றார்.
கணிக்கப்பட்டதை விட பணப்பைகள் திருப்பித் தரப்படுவதற்கான வாய்ப்புகள் அதிகம் இருப்பதால், மக்கள் “எல்லா இடங்களிலும் மிகவும் அவநம்பிக்கையானவர்கள்” என்று ஆய்வு காட்டுகிறது என்றும் அவர் கூறினார்.
Link : https://namathulk.com
