மணிரத்தினம் இயக்கத்தில் 1992-ம் ஆண்டு வெளிவந்த ‘ரோஜா’ திரைப்படத்தின் மூலம் இசையமைப்பாளராக அறிமுகமாகி இந்திய திரைப்பட உலகில் பிரபலமானவர் இசையமைப்பாளர் ஏ.ஆர்.ரகுமான்.
தமிழ், இந்தி, ஆங்கிலம் போன்ற பல மொழித் திரைப்படங்களுக்கு இசையமைத்த இவர் 7 தேசிய விருதுகள், 2 ஆஸ்கார் விருதுகளை வென்றுள்ளாார்.
அண்மையில், இவருக்கு நீர்சத்து குறைபாடு காரணமாக உடல்நலக்குறைவு ஏற்பட்டு தனியார் மருத்துவமனையில் அனுமதிக்கப்பட்டிருந்தார்.
இந்த நிலையில் இசையமைப்பாளர் ஏ.ஆர்.ரகுமான் அடுத்ததாக நடத்த உள்ள இசை நிகழ்ச்சி குறித்து அறிவித்துள்ளார். வட அமெரிக்காவில் ‘தி வன்டேர்மென்ட்’ (THE WONDERMENT) என்ற பெயரில் இசை நிகழ்ச்சி நடத்த உள்ளதாக அறிவித்துள்ளார். இந்த நிகழ்ச்சி கோடை காலத்தில் நடைபெறும் என்றும், விரைவில் இது குறித்த அறிவிப்பு வெளியாகும் என்றும் தெரிவிக்கப்பட்டுள்ளது.
Link : https://namathulk.com
