2025 பெப்ரவரி மாதத்தில் மொத்த ஏற்றுமதி, பொருட்கள் மற்றும் சேவைகள் இரண்டையும் சேர்த்து 1,382,53 மில்லியன் அமெரிக்க டொலர்களாக உயர்ந்துள்ளது.
இது 2024 பெப்ரவரி மாதத்துடன் ஒப்பிடும்போது 4.62% குறிப்பிடத்தக்க வளர்ச்சியைக் காட்டுவதாக இலங்கை ஏற்றுமதி அபிவிருத்தி அதிகார சபை தெரிவித்துள்ளது.
மேலும், 2025 ஜனவரி மாதத்துடன் ஒப்பிடும்போது பெப்ரவரி மாதத்தில் ஏற்றுமதி 2.58% மாதாந்த வளர்ச்சியைப் பதிவு செய்துள்ளது.
இலங்கை சுங்கத் திணைக்களத்தின் தற்காலிக தரவுகள் மற்றும் இரத்தினக் கற்கள், நகைகள் மற்றும் கனிம எண்ணெய்ப் பொருட்கள் ஆகியவற்றிற்கான மதிப்பிடப்பட்ட புள்ளிவிவரங்களின்படி, 2025 பெப்ரவரி மாதத்தில் பொருட்களின் ஏற்றுமதியின் மதிப்பு 1,056.39 மில்லியன் அமெரிக்க டொலர்களாகும்.
2025 பெப்ரவரி மாதத்தில் சேவைகளின் ஏற்றுமதி 326.14 மில்லியன் அமெரிக்க டொலர்களாக மதிப்பிடப்பட்டுள்ளது.
இது 2024ஆம் ஆண்டுடன் ஒப்பிடும்போது 24.37% வளர்ச்சியைக் காட்டுகிறது.
இருப்பினும், பொருட்கள் மற்றும் சேவைகள் இரண்டையும் சேர்த்து மொத்த ஏற்றுமதி 2025 ஜனவரி முதல் பெப்ரவரி வரையிலான காலத்திற்கு 2,730.33 மில்லியன் அமெரிக்க டொலர்களாக மதிப்பிடப்பட்டுள்ளது.
இது 2024ஆம் ஆண்டுடன் ஒப்பிடும்போது 6.65% வளர்ச்சியைக் காட்டுகிறது.
இலங்கை சுங்கத் திணைக்களத்தின் தரவுகள் மற்றும் இரத்தினக் கற்கள், நகைகள் மற்றும் கனிம எண்ணெய்ப் பொருட்கள் ஆகியவற்றிற்கான மதிப்பிடப்பட்ட புள்ளிவிவரங்களின் அடிப்படையில், 2025 இன் முதல் இரண்டு மாதங்களில் பொருட்களின் ஏற்றுமதி 3.9% அதிகரித்து 2,109.19 மில்லியன் அமெரிக்க டொலர்களாக உயர்ந்துள்ளதாக மதிப்பிடப்பட்டுள்ளது.
Link : https://namathulk.com
