மட்டக்களப்பில் வேட்பாளர் ஒருவரின் வீட்டின் மீது பெற்றோல் குண்டுத்தாக்குதல்

Aarani Editor
1 Min Read
மட்டக்களப்பு

மட்டக்களப்பு வெல்லாவெளி திக்கோடை பகுதியில் உள்ள இலங்கை தமிழரசுக்கட்சியின் வேட்பாரின் வீட்டின் மீது நேற்று இரவு பெற்றோல் குண்டுத்தாக்குதல் நடாத்தப்பட்டுள்ளது.

இந்த தாக்குதல் காரணமாக வீட்டிலிருந்த யாருக்கும் எந்த ஆபத்தும் ஏற்படவில்லையென வெல்லாவெளி பொலிஸார் தெரிவித்தனர்.

இம்முறை உள்ளுராட்சிமன்ற தேர்தலில் போரதீவுப்பற்று பிரதேசசபைக்காக போட்டியிடும் அருள்ராஜா பிரேமாகரன் என்பவரின் வீட்டின் மீதே இந்த தாக்குதல் நடாத்தப்பட்டுள்ளது.

நேற்று இரவு மரண வீடு ஒன்றுக்கு தான் சென்றிருந்த நிலையில் வீட்டின் மீது தாக்குதல் நடாத்தப்பட்டதாகவும், அந்தநேரத்தில் வீட்டில் மனைவி,பிள்ளைகள் உறங்கிக்கொண்டிருந்ததாகவும் வேட்பாளர் பிரேமாகரன் தெரிவித்தார்.

இது தொடர்பில் வெல்லாவெளி பொலிஸ் நிலையத்தில் முறையிடப்பட்டதை தொடர்ந்து பொலிஸார் விசாரணைகளை முன்னெடுத்துள்ளனர்.

Link: https://namathulk.com

Share This Article
Leave a Comment

Leave a Reply

Your email address will not be published. Required fields are marked *