மியான்மரில் நடைபெற்று வரும் நிவாரணம் மற்றும் மீட்பு முயற்சிகளுக்கு உதவுவதற்காக இலங்கை அரசு 1 மில்லியன் அமெரிக்க டாலர் மனிதாபிமான உதவியை வழங்குவதாக உறுதியளித்துள்ளதாக பிரதி வெளிநாட்டலுவல்கள் அமைச்சர் அருண் ஹேமச்சந்திரா தெரிவித்தார்.
இது தொடர்பில் அவர் வெளியிட்டுள்ள அறிக்கையிலேயே இவ்வாறு கூறியுள்ளார்.
பாங்காக்கில், மியான்மர் யூனியன் குடியரசின் பிரதி பிரதமரும் மத்திய வெளிநாட்டலுவல்கள் அமைச்சருமான யூ தான் ஸ்வேனுக்கும், பிரதி வெளிநாட்டலுவல்கள் அமைச்சர் அருண் ஹேமச்சந்திராவிற்கும் இடையிலான சந்திப்பொன்று இடம்பெற்றது.
இதன்போது, பாதிக்கப்பட்டவர்களுக்கு உதவ மருத்துவக் குழுக்களை அனுப்பவும்இ சுகாதாரத் துறை உதவியை வழங்கவும் அரசாங்கம் தயாராகி வருவதாகவும் பிரதி அமைச்சர் கூறினார்.
அத்துடன், இருதரப்பு உறவுகளை வலுப்படுத்துவது குறித்து ஆக்கபூர்வமான கலந்துரையாடல் இடம்பெற்றது.
மேலும், சைபர் குற்றத்துடன் தொடர்புடைய கடத்தலில் பாதிக்கப்பட்ட இலங்கையர்களை திருப்பி அனுப்புவதில் வழங்கப்பட்ட உதவிக்கு மியான்மர் அரசாங்கத்திற்கு பிரதி அமைச்சர் நன்றி தெரிவித்தார்.
Link: https://namathulk.com
