கிரீஸ் நாட்டின் லெஸ்போஸ் தீவின் அருகில் அகதிகள் பயணித்த படகு ஒன்று கவிழ்ந்து விபத்துக்குள்ளானதில் 2 குழந்தைகள் உள்பட 7 பேர் பலியாகியுள்ளனர்.
கிரீஸ் நாட்டின் கிழக்குப் பகுதியிலுள்ள லெஸ்போஸ் தீவை நோக்கி துருக்கியிலிருந்து இன்று (03) அதிகாலை பயணித்த அகதிகள் படகு ஒன்றே இவ்வாறு விபத்திற்குள்ளானது.
இதனைத் தொடர்ந்து, கடலில் உயிருக்கு போராடிய 23 பேர் அந்நாட்டின் கடற்படையினரால் மீட்கப்பட்டு வைத்தியசாலையில் அனுமதிக்கப்பட்டனர்.
இருப்பினும், அந்த படகில் பயணித்த அகதிகளின் எண்ணிக்கை மற்றும் அவர்கள் எந்த நாட்டைச் சேர்ந்தவர்கள் என்ற தகவல்கள் தெரிவிக்கப்படாத நிலையில் காணாமல் போனவர்களைத் தேடும் நடவடிக்கைகள் மேற்கொள்ளப்பட்டுள்ளன.
இந்தநிலையில் தற்போதுவரை 7 பேரின் சடலங்கள் மீட்கப்பட்டுள்ளதாக அந்நாட்டு அதிகாரிகள் தெரிவித்துள்ளனர்.
Link: https://namathulk.com/
