கிராமிய வீதி அபிவிருத்தி நிகழ்ச்சித் திட்டம், பன்முகப்படுத்தப்பட்ட வரவு செலவுத்திட்டம் மற்றும் ஏனைய அபிவிருத்தித் திட்டங்கள் தொடர்பான முன்னேற்ற மீளாய்வுக்கூட்டம் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் தலைமையில் நேற்றைய தினம், மாவட்டச் செயலக கேட்போர் கூடத்தில் நடைபெற்றது.
இதன்போது, தலைமையுரையாற்றிய அரசாங்க அதிபர்இ யாழ்ப்பாண மாவட்ட கிராமிய வீதி அபிவிருத்திக்கு 1000 மில்லியன் ரூபா ஒதுக்கப்பட்டுள்ளதாக வடக்கு மாகாண பிரதம செயலாளரால் அறிவிக்கப்பட்டுள்ளதாக கூறினார்.
மேலும், யாழ்ப்பாண மாவட்ட சுற்றுலாத்துறை அபிவிருத்திக்கு 09 செயற்றிட்டங்களுக்கு 131.02 மில்லியன் ரூபா ஒதுக்கப்பட்டுள்ளது என அரசாங்க அதிபர் தெரிவித்தார்.
இதனை நீடித்து நிலைக்கும் வகையில் தொடர்புடைய பிரதேச செயலகங்கள், பிரதேச சபைகள் மற்றும் ஏனைய பங்குதார்களுடன் இணைந்து மிகவும் சரியான முறையில் நடைமுறைப்படுத்த ஒத்துழைப்பு வழங்குமாறும் அரசாங்க அதிபர் வலியுறுத்தினார்.
அத்துடன், கிராமிய அபிவிருத்தித் திட்டம், வீட்டுத் திட்டம், சமுர்த்தி வலுப்படுத்தல் வேலைத் திட்டம், நலன்புரி நன்மைகள் கொடுப்பனவு மற்றும் வீடமைப்பு அபிவிருத்தி அதிகார சபையின் வீட்டுத்திட்டம் போன்ற திட்டங்களின் முன்னேற்றம் தொடர்பாகவும் அரசாங்க அதிபர் தலைமையில் ஆராயப்பட்டு உரிய அறிவுறுத்தல்கள் வழங்கப்பட்டன.
Link: https://namathulk.com
