கனடாவில் புதிய பிரதமரைத் தெரிவு செய்வதற்கான தேர்தலில் மார்க் கார்னியின் லிபரல் கட்சி வெற்றி பெற்றுள்ளது.
லிபரல் கட்சி மொத்தமாக 144 இடங்களை வென்றுள்ளதுடன், 21 இடங்களில் முன்னிலையில் உள்ளதாக அந்த நாட்டு ஊடகங்கள் செய்தி வெளியிட்டுள்ளன.
இதன் மூலம் தொடர்ந்து நான்காவது முறையாக லிபரல் கட்சி கனடாவில் ஆட்சியமைக்க உள்ளது.
எதிர்க்கட்சியான கன்சர்வேட்டிவ் கட்சி இதுவரை 121 இடங்களை வென்றுள்ளதுடன், 26 இடங்களில் முன்னிலையில் உள்ளதாக வெளிநாட்டு ஊடகங்கள் செய்தி வெளியிட்டுள்ளன.
பெரும்பான்மைக்கு 172 இடங்கள் தேவை என்ற நிலையில் ஆளும் லிபரல் கட்சி 160-க்கும் மேற்பட்ட இடங்களை கைப்பற்றும் நிலையில் உள்ளது.
இதன் மூலம் லிபரல் கட்சி ஏனைய சிறிய கட்சிகளுடன் இணைந்து கூட்டணி அரசு அமைக்க உள்ளது.
இந்த நிலையில் இந்திய வம்சாவளியை சேர்ந்த ஜக்மீத் சிங்கின் தேசிய ஜன நாயகக் கட்சி இந்த தேர்தலில் 343 தொகுதிகளிலும் போட்டியிட்டது.
அக்கட்சி 8 இடங்களில் மட்டுமே முன்னிலையில் உள்ளதுடன், கடந்த தேர்தலில் தேசிய ஜனநாயக கட்சி 24 இடங்களை கைப்பற்றி இருந்தமை குறிப்பிடத்தக்கது.
Link: https://namathulk.com/
