அணு ஆயுதத்தை தயாரிப்பதில் ஈரான் தீவிரமாக உள்ளது என்றும் அது தங்களுக்கு அச்சுறுத்தலாக இருப்பதாக கூறி ஈரான் மீது இஸ்ரேல் தாக்குதல் நடத்தி வருகின்றது.
இதற்கு பதிலடியாக ஈரானும் இஸ்ரேல் மீது தாக்குதல் நடத்தி வருகின்றது.
இஸ்ரேலும், ஈரானும் தொடர்ந்து 3ஆவது நாளாக பரஸ்பர தாக்குதலில் ஈடுபட்டு வருவதால் போர் வெடிக்கும் அபாயம் ஏற்பட்டுள்ளது.
இந்நிலையில், அமெரிக்க ஜனாதிபதி ட்ரம்பை கொலை செய்ய ஈரான் திட்டம் போட்டுள்ளதாக இஸ்ரேல் பிரதமர் நெதன்யாகு அதிர்ச்சி தகவல் ஒன்றை தெரிவித்துள்ளார்.
தொலைக்காட்சி ஒன்றுக்கு அளித்த பேட்டியில் இஸ்ரேல் பிரதமர் நெதன்யாகு, “அமெரிக்க ஜனாதிபதி ட்ரம்பை கொல்ல ஈரான் திட்டமிட்டிருக்கிறது.
ஈரானின் அணு ஆயுதத் திட்டத்துக்கு அச்சுறுத்தலாக ட்ரம்ப் இருப்பார் என்பதால் முதல் எதிரியாக ட்ரம்புக்கு இலக்கு நிர்ணயிக்கப்பட்டு, கொல்ல திட்டம் போட்டுள்ளார்கள்.
ஈரான் மூலம் உலகுக்கு ஏற்படும் அணு ஆயுத அச்சுறுத்தலை ஒழிக்கத் தேவையானதை செய்வோம்” என்று தெரிவித்தார்
