வரலாற்று சிறப்புமிக்க புனித நகரமான அநுராதபுரத்தைப் பாதுகாப்பதற்கான யுனெஸ்கோவின் முயற்சி பாராட்டப்பட வேண்டும் என்று பிரதமர் ஹரிணி அமரசூரிய தெரிவித்தார்.
பாரிஸில் உள்ள யுனெஸ்கோ தலைமையகத்தில் கூடிய ‘இலங்கையில் உள்ள அனுராதபுர புனித நகரத்தின் உலக பாரம்பரிய சொத்தைப் பாதுகாப்பதற்கான ஒருங்கிணைந்த மற்றும் நிலையான அணுகுமுறை’ என்ற சர்வதேச நிபுணர் மாநாட்டில் உரையாற்றும் போது பிரதமர் இதனை கூறினார்.
அநுராதபுரம், யாழ்ப்பாணம் மற்றும் கண்டி ஆகிய மூன்று நகரங்களை இலங்கையில் பாரம்பரிய நகரங்களாக மேம்படுத்த இலங்கை அரசு திட்டமிட்டுள்ளதாக பிரதமர் அமரசூரிய தெரிவித்தார்.
இதன்போது, சமீபத்திய சக்திவாய்ந்த நிலநடுக்கத்தால் பாதிக்கப்பட்ட மியான்மர் மற்றும் தாய்லாந்து அரசாங்கத்திற்கும் மக்களுக்கும் இலங்கையின் ஆழ்ந்த இரங்கலைத் தெரிவித்தார்.
எதிர்கால சந்ததியினருக்கு கலாச்சார பாரம்பரியத்தைப் பாதுகாப்பதை உறுதி செய்ய வேண்டியிருக்கும் இந்தப் பின்னணியில்இ உலகளாவிய தலைவராக யுனெஸ்கோவின் பங்கு முன்னெப்போதையும் விட மிகவும் பொருத்தமானது எனவும் பிரதமர் வலியுறுத்தினார்.
Link: https://namathulk.com
